11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
ԿԺԴՀ-ն ներկայացրել է «աշխարհում ամենահզոր զենքը»․ Փհենյանը ստորջրյա արձակման նոր բալիստիկ հրթիռներ ունի
Քաղաքականություն
15.01.2021 | 14:46
ԿԺԴՀ-ն հունվարի 14-ին ռազմական շքերթ է անցկացրել Փհենյանի կենտրոնում ՝ Կորեայի աշխատավորական կուսակցության 8-րդ համագումարի ավարտի կապակցությամբ, հայտնում է «Ինտերֆաքսը»՝ հղում կատարելով Կորեայի կենտրոնական հեռագրատան գործակալությունը։
«Փորձառու տանկերի շարասյունը մռնչոցով անցնում է հրապարակով, նրան հետևում են գերժամանակակից տակտիկական հրթիռները։ Աշխարհում ամենահզոր զենքը՝ սուզանավերի համար նախատեսված բալիստիկ հրթիռները մեկը մյուսի հետևից հայտնվում են հրապարակում՝ ի ցույց դնելով մեր հեղափոխական զինված ուժերի հզորությունը»,- միջոցառումը նկարագրում է հյուսիսկորեական լրատվականը։
Շքերթին ներկա է եղել նաև Հյուսիսային Կորեայի առաջնորդ Կիմ Չեն Ընն ու ԿԺԴՀ-ի մի շարք բարձրաստիճան պաշտոնյաներ։
BBC News-ը՝ հղում կատարելով Հյուսիսային Կորեայի հարցերով մասնագետներին, նշում է, որ Փհենյանում ռազմական շքերթին ներկայացվել են ստորջրյա արձակման նոր բալիստիկ հրթիռներ։
Տաթև Ֆռանգյան
