30.06.2026 | 17:19
Հայաստանի գլխավոր դատախազն ընդունել է Լատվիայի գործընկերոջը
Լեդի Գագան ու Ջենիֆեր Լոպեսը ելույթ կունենան Ջո Բայդենի երդմնակալության արարողությանը
Քաղաքականություն
15.01.2021 | 15:29
Հանրահայտ երգչուհիներ Լեդի Գագան ու Ջենիֆեր Լոպեսը ելույթ կունենան ԱՄՆ նորընտիր նախագահ Ջո Բայդենի երդմնակալության արարողության ժամանակ, գրում է BBC-ն։
Լեդի Գագան մասնակցել է Բայդենի նախընտրական քարոզարշավին․ նոյեմբերին՝ նախագահական ընտրությունների նախօրեին, երգչուհին հայտնվել է հանրության առաջ Բայդենի հետ։ Նա հունվարի 20-ին կկատարի երկրի հիմնը։ Լոպեսը, որն անցյալ տարի նույնպես իր աջակցությունն էր հայտնել Բայդենին, հանդես կգա առանձին երաժշտական կատարմամբ:
Արարողությունից հետո Թոմ Հենքսը կհյուրընկալվի աստղերով լի հատուկ հեռուստատեսային հաղորդմանը: 90 րոպե տևողությամբ ծրագրի ընթացքում «Ամերիկայի տոնակատարություն» խորագրով հաղորդաշարում կմասնակցեն նաև ամերիկացի երաժիշտներ Ջոն Բոն Ջովին, Դեմի Լովատոն, Ջասթին Թիմբերլեյքը և Անթ Քլեմոնսը։ Տոնական համերգը ուղիղ եթերում հեռարձակելու են ABC, CBS, CNN, NBC և MSNBC հեռուստաընկերությունները:
Հիշեցնենք՝ Ջո Բայդենի երդմնակալությունը կայանալու է հունվարի 20-ին։ Ավելի վաղ ԱՄՆ գործող նախագահ Դոնալդ Թրամփը հայտնել է, որ չի մասնակցի երդմնակալության արարողությանը։ Բայդենը նրա այս որոշումը «լավ որոշում» է որակել։
Տաթև Ֆռանգյան
