30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
34 զոհ, 600 վիրավոր, փլուզված հիվանդանոց․ Ինդոնեզիայում հզոր երկրաշարժ է գրանցվել
Քաղաքականություն
15.01.2021 | 11:27
Առնվազն 34 մարդ է մահացել ու ավելի քան 600-ը՝ վիրավորվել Ինդոնեզիայի Սուլավեսի կղզում գրանցված 6,2 բալ ուժգնությամբ երկրաշարժի հետևանքով։ Այս մասին հայտնում է Aljazeera-ն՝ հղում կատարելով տեղի իշխանություններին։ Տեղեկացվում է, որ երկրաշարժը գրանցվել է վաղ առավոտյան, երկրաշարժի էպիկենտրոնը եղել է Մաժենե քաղաքից 6 կմ հյուսիս-արևելք, 10 կմ խորության վրա։
Երկրաշարժի հետևանքով 15000 մարդ տարհանվել է։
Փլուզվել է քաղաքի հիվանդանոցը։ Մի քանի տասնյակ հիվանդներ ու բուժանձնակազմը մնացել են փլատակների տակ։ Այժմ փրկարարները փորձում են փլատակների տակից դուրս բերել մարդկանց։ Տեղեկացվում է, որ զոհերի ու վիրավորների թիվը կարող է ավելանալ։
Տաթև Ֆռանգյան
