09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Նավալնիին թունավորելու համար կասկածյալի տան մոտից ձերբակալվելուց հետո՝ կինն իր հեռախոսում գաղտնալսող սարք է հայտնաբերել
Քաղաքականություն
15.01.2021 | 13:13
ՌԴ Պետդումային ընտրություններում Լյուբով Սոբոլի նախընտրական շտաբի ղեկավար Օլգա Կլյուչնիկովան վարչական կալանքից հետո իր այֆոնում հայտնաբերել է գաղտնալսող սարք։ Այս մասին Սոբոլը հայտնել է «Նավալնի Live» յութուբյան ալիքում հրապարակված տեսանյութում, գրում է Meduza-ն։
Դեկտեմբերի 21-ին Կլյուչնիկովային ձերբակալել էին Դաշնային անվտանգության ծառայության ենթադրյալ աշխատակից Կոնստանտին Կուդրյավցևի տան մոտ, որը, ամենայն հավանակության, մասնակցել է Ալեքսեյ Նավալնիի թունավորմանը։ Նրա հետ միասին ձերբակալել են նաև «Նավալնի Live»-ի օպերատոր Ակիմ Կերիմովին։ Երկուսին էլ մեղադրել են ոստիկանների չենթարկվելու համար, նրանք ձերբակալված են եղել 7 օրով։
Ազատ արձակվելուց հետո Կորիմովը չի կարողացել հետ վերցնել իր հեռախոսը, միևնույն ժամանակ Կլյուչնիկովային հեռախոսը հետ են վերադարձրել, պատմել է Սոբոլը։
«Տարօրինակ էր։ Այդ պատճառով մենք ուշադիր զննեցինք հեռախոսն ու այնտեղ հայտնաբերեցինք գաղտնալսող սարք»,- պատմել է նա։
Մանրամասները՝ տեսանյութում:
Տաթև Ֆռանգյան
