01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Նորվեգիայում կորոնավիրուսի դեմ պատվաստումից հետո 23 մարդ է մահացել
Քաղաքականություն
15.01.2021 | 10:59
Նորվեգիայում կորոնավիրուսի դեմ պատվաստումից հետո 23 մարդ է մահացել: Այս մասին հայտնել է Նորվեգիայի դեղերի գործակալությունը, գրում է Meduza-ն:
Գերատեսչությունից, սակայն, չեն պարզաբանել, թե որ պատվաստանյութն են նրանք ստացել։ 2020 թվականի դեկտեմբերի վերջից Նորվեգիայում օգտագործվում է Pfizer և BioNTech ընկերությունների կողմից մշակված պատվաստանյութը։ Բացի այդ, 2021 թվականի հունվարի 12-ին Նորվեգիա է ներկրվել նաև Moderna ընկերության պատվաստանյութերի առաջին 4000 չափաբաժինը։
Ինչպես VG հրատարակչությանը հայտնել է գործակալության ներկայացուցիչ Ստոյնար Մադսենը, բոլոր մահացու դեպքերը գրանցվել են տարեցների մոտ, որոնք ունեցել են ուղեկցող հիվանդություններ։
Մադսենի խոսքով՝ հնարավոր է, որ սովորական թեթև կողմնակի ազդեցություններն այդ դեպքերում եղել են ավելի լուրջ։ Վերջինս նաև ընդգծել է, որ գործակալությունը մանրակրկիտ ուսումնասիրություն կիրականացնի՝ պարզելու համար՝ մահը վրա է հասել պատվաստումի՞ց, թե պարզապես համընկել է դրա հետ։
Տաթև Ֆռանգյան
