27.08.2026 | 18:14
Ծանրամարտի պատանեկան ԵԱ. Հայաստանի վերջին ներկայացուցիչը փոքր բրոնզե մեդալ նվաճեց. ՏԵՍԱՆՅՈՒԹ
Խաչատրյան քույրերի գործով՝ դատարանին արդեն 5-րդ անգամ չի հաջողվել ատենակալներ ընտրել
Քաղաքականություն
14.01.2021 | 17:59
Մոսկվայի քաղաքային դատարանը կրկին չի կարողացել ընտրել երդվյալ ատենակալներ՝ քննելու ավագ երկու Խաչատրյան քույրերի հանդեպ քրեական գործը, որոնք մեղադրվում են իրենց հոր սպանության մեջ։ Այս մասին Life-ին հայտնել է աղջիկներից մեկի փաստաբանը։
Նշենք, որ սա երդվյալ ատենակալներ ընտրելու արդեն 5-րդ փորձն է։ Ավելի վաղ ընտրությունը չի կայացել քույրերից մեկի մոտ կորոնավիրուսային ինֆեկցիա լինելու կասկածի պատճառով, իսկ դրանից առաջ նիստը հետաձգել էին սպանված Միխայիլ Խաչատրյանի հարազատի հիվանդության պատճառով։
Փաստաբանների դաշնային պալատի ղեկավար Յուրի Պիլիպենկոն, մեկնաբանելով նման մեծ հնչեղություն ստացած գործով երդվյալ ատենակալներ ընտրելու շուրջ ստեղծված իրավիճակը, պնդել է, որ ատենակալներ հավաքելը դժվար է ամբողջ աշխարհում, ոչ միայն Ռուսաստանում։ Վերջինս պարզաբանել է, որ ժամանակակից աշխարհում դժվար է գտնել մեկին, որը երբեք լսած չի լինի նման աղմկահարույց հանցագործության մասին, իսկ տեղեկացված լինելն ու մանրամասներին ծանոթ լինելն ազդում է կոլեգիայի ձևավորման վրա։
Հիշեցնենք՝ աղմկահարույց սպանությունը տեղի է ունեցել հուլիսի 27-ին Մոսկվայի հյուսիս-արևելքում։ Երեք քույրերը հայտնել էին իրենց հորը` Միխայիլ Խաչատուրյանին սպանելու մասին։ Հարցաքննության ժամանակ քույրերը խոստովանել էին իրենց մեղքը և բացատրել, որ «իրենք վատ հարաբերություններ են ունեցել հոր հետ, քանի որ հայրը տարիներ շարունակ բարոյապես տանջել է նրանց»։ Մոսկվայի Օստանկինյան դատարանը օգոստոսի 2-ին կալանավորել է երեք քույրերին։
