19.12.2025 | 14:02
40-ամյա Ռոնալդուի տրանսֆերային արժեքը չի փոխվել
ԼՂ հակամարտության կարգավորումը ԵԱՀԿ-ում Շվեդիայի նախագահության օրակարգում է
Քաղաքականություն
14.01.2021 | 16:53
Ընթացիկ տարում՝ ԵԱՀԿ-ում նախագահության ժամանակ, Շվեդիան իրենից կախված ամեն բան կանի, որպեսզի ԵԱՀԿ-ն կարողանա իրական փոփոխություն մտցնել և պաշտպանել այն հիմնադրույթները, որոնց վրա հիմնադրվել է Կազմակերպությունը: Այս մասին, ԵԱՀԿ պաշտոնական կայքէջի փոխանցմամբ՝ այսօր ԵԱՀԿ Մշտական խորհրդին ուղղված իր վիրտուալ ուղերձում ասել է Շվեդիայի ԱԳ նախարար Ան Լինդեն:
Մանրամասնելով Շվեդիայի նախագահության առաջնահերթությունները ՝ նա ասել, որ կենտրոնանալու են բոլոր 57 անդամ պետությունների կողմից կիսված սկզբունքների և պարտավորությունների վրա ՝ պաշտպանելով եվրոպական անվտանգության կարգը և պահպանելով ԵԱՀԿ համապարփակ անվտանգության հայեցակարգը: Նա հավելել է, որ քաղաքական և տնտեսական անվտանգությունը, մարդու իրավունքները, ժողովրդավարությունը, օրենքի գերակայությունն ու հավասարությունը միմյանց հետ փոխկապակցված են:
Անդրադառնալով տարածաշրջանում հակամարտությունների կարգավորմանը՝ Լինդեն նշել է, որ դրանք առաջնահերթ են լինելու Շվեդիայի նախագահության ժամանակաշրջանում՝ նշելով Լեռնային Ղարաբաղում, Ուկրաինայում, Մոլդովայում, Վրաստանում և Բելառուսում ընթացող հակամարտություններն ու ճգնաժամերը:
«Միջազգային խաղաղությանն ու անվտանգությանը սպառնացող սպառնալիքները, ինչպես նաև հակամարտությունների պատճառած տառապանքները պարզապես անընդունելի են։ Ուստի մենք պետք է մեր օրակարգում պահենք տարածաշրջանում առկա հակամարտությունների լուծումը»,- ասել է նա:
Վերջինս հավելել , որ իրենց նախագահությունը կոչ է անելու հարգել միջազգային իրավունքը բոլոր հակամարտություններում և աջակցելու է մարդասիրական ջանքերին:
Տաթև Ֆռանգյան
