01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Եվրոպական դատարանը կքննի Ղրիմի հարցով Ուկրաինայի հայցն ընդդեմ Ռուսաստանի
Քաղաքականություն
14.01.2021 | 16:17
Մարդու իրավունքների հարցով Եվրոպական դատարանը մասնակիորեն ընդունելի է համարել Ղրիմում մարդու իրավունքների պարբերական խախտումների մասին Ուկրաինայի կողմից ընդդեմ Ռուսաստանի ներկայացված բողոքը։ Դատարանը համաձայնել է Կիևի վարկածի հետ, որ թերակղզին փաստացի անցել է ՌԴ վերահսկողության տակ 2014 թվականի փետրվար ամսին, գրում է BBC-ի ռուսական ծառայությունը։
Ղրիմի բռնակցման հակառակորդների քաղաքական բռնաճնշումների և հետապնդումների մասին վեճը և դրա համար Ռուսաստանին պատասխանատվության ենթարկելու հարցն այժմ կդիտարկվեն դատարանում:
Նշվում է, որ սա «Ուկրաինան ընդդեմ Ռուսաստանի» միջպետական բողոքների շարքից առաջինն է, որը դիտարկման է վերցրել ՄԻԵԴ-ի Մեծ պալատը։
2014 թվականից ՄԻԵԴ է ներկայացվել նաև շուրջ 7 հազար անհատական բողոք ընդդեմ Ռուսաստանի ՝ կապված Ղրիմի և Ուկրաինայի իրադարձությունների հետ: Ղրիմում Եվրոպական կոնվենցիայի խախտման համար Ռուսաստանի պատասխանատվության հարցը այժմ կքննարկվի Եվրոպական դատարանում։ Հայտնի չէ, թե երբ է կայացվելու այս գործով որոշումը: Հնարավոր է՝ այն տևի մի քանի տարի:
Տաթև Ֆռանգյան
