07.05.2024 | 10:11
Հրդեհ Դեղատան փողոցում
Ինչ առաջընթաց է գրանցվել եռակողմ հանդիպմանը․ Պուտինը Էրդողանին տեղեկացրել է արդյունքների մասին
Քաղաքականություն
13.01.2021 | 17:07
Կայացել է Վլադիմիր Պուտինի ու Թուրքիայի նախագահ Ռեջեփ Թայիփ Էրդողանի հեռախոսազրույցը։ Այս մասին հայտնում են Կրեմլից՝ նշելով, որ հեռախոսազրույցի ժամանակ Պուտինը Էրդողանին տեղեկացրել է հունվարի 11-ին Մոսկվայում կայացած Հայաստանի, Ադրբեջանի ու Ռուսաստանի ղեկավարների միջև եռակողմ հանդիպման արդյունքների մասին։
Ընդգծվել է, որ տեղի ունեցած բանակցությունների գլխավոր արդյունքը Հայաստանի ու Ադրբեջանի միջև հարաբերությունների կարգավորմանն ուղղված տրամադրվածության, խաղաղ կյանքի անցման հարցում գործնական փոխգործակցության պատրաստակամության, տնտեսական ու տրանսպորտային կապերի ապաարգելափակման հարցերում առաջընթացն է։ Նշվում է, որ հաշվի առնելով Լեռնային Ղարբաղի շուրջ իրավիճակի ընդհանուր կայունացումը, հաջողվել է այս ուղղությամբ համաձայնեցնել մի շարք կարևոր քայլեր ։
Կրեմլի տարածած հաղորդագրության մեջ նշվում է, որ Էրդողանն իր կողմից աջակցություն է հայտնել Ռուսաստանի ջանքերին ղարաբաղյան հակամարտության կարգավորման հարցում, կողմ է արտահայտվել Ռուսաստանի ու Թուրքիայի միջև գործողությունների կոորդինացման շարունակմանը, այդ թվում նաև տարածաշրջանի տնտեսական զարգացման ու փոխշահավետ նախագծերի առաջընթացի համար։
Նշվում է, որ առանձնահատուկ ուշադրություն է դարձրվել հակամարտության գոտում հրադադարի ռեժիմի վերահսկման ռուս-թուրքական կենտրոնի ձևավորման որոշ ասպեկտներին:
Տաթև Ֆռանգյան
