12.12.2024 | 18:32
Կայացել է ՀՀ-ԵՄ մուտքի արտոնագրերի ազատականացման շուրջ բարձրաստիճան պաշտոնյաների հանդիպումը
Հույն հատուկջոկատայինները Միջերկրական ծովում վայրէջք են կատարել ռուսական բեռնանավի վրա
Քաղաքականություն
13.01.2021 | 16:12
Հունաստանի ռազմածովային ուժերի հատուկջոկատայինները ցուցադրաբար վայրէջք են կատարել Միջերկրական ծովում գտնվող «Ադլեր» ռուսական բեռնանավի վրա: Այս մասին այսօր ՝ հունվարի 13-ին, հայտնել են հունական լրատվամիջոցները, գրում է EurAsia Daily-ն։
Համաձայն տեղեկությունների՝ հույն զինվորականները ենթադրել են, որ նավի վրա կարող է լինել սպառազինություն, որը Ռուսաստանից տեղափոխվում է Լիբիա։ Հունական նավը սկսել է հետապնդել «Ադլեր»-ին, ինչից հետո նավի վրա են բարձրացել Հունաստանի ռազմածովային ուժերի հատուկջոկատայինները։ Նշվում է, որ ռուսական նավի անձնակազմը համաձայնել է նավի ստուգմանը, իսկ հույն հատուկջոկատայիններին չի հաջողվել գտնել ոչ մի արգելված կամ կասկածելի բան։
ԵՄ առաքելությունը Twitter-ում այս միջադեպն անվանել է IRINI շրջանակում նավի բարեկամական ստուգում, որի նպատակն է կանխել Լիբիա սպառազինության ապօրինի մատակարարումները։
Տաթև Ֆռանգյան
