11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Ալեքսեյ Նավալնին վերադառնում է Ռուսաստան
Քաղաքականություն
13.01.2021 | 13:45
Ռուս ընդդիմադիր Ալեքսեյ Նավալնին հայտնել է, որ հունվարի 17-ին կվերադառնա Ռուսաստան։ Համապատասխան գրառումը վերջինս կատարել է Telegram-ի և Twitter-ի էջերում, գրում է DW-ի ռուսական ծառայությունը։
«Հունվարի 17-ին՝ կիրակի օրը, ես «Պոբեդայի» թռիչքով կվերադառնամ տուն: Դիմավորե՛ք», – գրել է նա:
Թե Գերմանիայի ո՞ր քաղաքից Նավալնին կվերադառնա Ռուսաստան, չի պարզաբանել։ Ինչպես երևում է «Պոբեդա» ընկերության կայքէջում հրապարակված տեղեկությունից, հունվարի 17-ին ավիաընկերության թռիչքը տեղի կունենա Բեռնլինից Մոսկվա։
Գերմանիայում վերականգնողական փուլում գտնվող քաղաքական գործչի խոսքով՝ վերադառնալ կամ չվերադառնալու հարցն իր առջև երբեք դրված չի եղել։
«Պարզապես ես չեմ հեռացել։ Ես հայտնվել եմ Գերմանիայում՝ այստեղ հասնելով վերակենդանացման պատգարակում, մեկ պատճառով ՝ նրանք փորձել են ինձ սպանել», – շեշտել է ընդդիմադիրը:
