01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
YouTube-ն արգելափակել է Դոնալդ Թրամփի պաշտոնական օգտահաշիվը
Քաղաքականություն
13.01.2021 | 14:55
YouTube տեսահոսթինգը արգելափակել է ԱՄՆ նախագահ Դոնալդ Թրամփի պաշտոնական օգտահաշիվը առնվազն 7 օրով՝ մինչ ԱՄՆ նորընտիր նախագահ Ջոզեֆ Բայդենի երդմնակալությունը։ Այս մասին ընկերությունից հայտնել են հունվարի 12-ին, գրում է DW-ի ռուսական ծառայությունը։
Բացի այդ, ավելի վաղ Թրամփի կողմից բեռնված տեսանյութերի մի մասը ջնջվել է։
«Մանրակրկիտ ստուգումից հետո և բռնության առաջացման վտանգի պահպանման մտավախությունների պատճառով մենք հեռացրել ենք նոր կոնտենտը, որ ներբեռնվել էր Դոնալդ Թրամփի ալիքում, և նախազգուշացում ենք հրապարակել մեր քաղաքականությունը խախտող, բռնություն հրահրող կոնտենտի կապակցությամբ»,- ասված է ընկերության տարածած հայտարարության մեջ։
Հավելենք, որ YouTube-ը չի պարզաբանել, թե կոնկրետ որ տեսանյութի կապակցությամբ է հրապարակվել նախազգուշացումը։ Բացի այդ, CNN-ի տվյալների համաձայն՝ կոնտենտի մի մասը հեռացվել է նաև Սպիտակ տան կայքէջից։
Տաթև Ֆռանգյան
