11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ֆրանսիայում Pfizer և BioNTech ընկերությունների պատվաստանյութից ալերգիկ ռեակցիայի դեպք է գրանցվել
Քաղաքականություն
12.01.2021 | 20:56
Pfizer/BioNTech ընկերությունների COVID-19-ի դեմ պատվաստանյութով պատվաստվելուց հետո Ֆրանսիայում գրանցվել է կողմնակի ազդեցության դեպք։ Այս մասին երեքշաբթի օրը հայտարարել է երկրի առողջապահության նախարար Օլիվյե Վերան՝ նշելով, որ լուրջ հետևանքներ չեն եղել, փոխանցում է ֆրանսիական BFM TV-ն։
«Մեր երկրում գրանցվել է 1 կողմնակի ազդեցության դեպք՝ ալերգիկ բնույթով», – ասել է Վերանը Ազգային ժողովի սոցիալական հարցերի հանձնաժողովի նիստում:
Pfizer/BioNTech ընկերությունների պատվաստանյութերով պատվաստումների արշավը սկսվել է դեկտեմբերի 27-ին։ Հունվարի 8-ին ֆրանսիական կարգավորող մարմինը հավանություն է տվել նաև ամերիկյան Moderna ընկերության պատվաստանյութին, որի մատակարարումները սկսվել են այս շաբաթ։
Ֆրանսիայում մինչ երկուշաբթի օրը առաջին պատվաստումներն են ստացել 138 հազար մարդ։
Տաթև Ֆռանգյան
