19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Էրդողանը մեղադրել է ՆԱՏՕ-ին ահաբեկիչների դեմ Թուրքիային միայնակ թողնելու համար
Քաղաքականություն
12.01.2021 | 18:33
Թուրքիայի նախագահ Թայիփ Էրդողանը ՆԱՏՕ-ին մեղադրել է երկրին ահաբեկչության դեմ պայքարի համար բավականաչափ օգնություն չտրամադրելու համար. տեղեկացնում է ՌԻԱ Նովոստին:
«ԵՄ-ի և ՆԱՏՕ-ի անվտանգությունը սկսվում է մեր արևելյան սահմաններից: Մենք երբեք չենք հրաժարվել ՆԱՏՕ-ի շրջանակներում համագործակցել ահաբեկչության դեմ պայքարում: Ինչո՞ւ են ՆԱՏՕ-ի երկրները մեզ միայնակ թողնում ահաբեկչության դեմ պայքարում: Ո՞վ է, բացի Թուրքիայից, պայքարում Իսլամական պետության դեմ» – ասել է Էրդողանը ՝ ելույթ ունենալով Անկարայում:
Նա նաև մեղադրել է Միացյալ Նահանգներին Սիրիայում քրդական ինքնապաշտպանական ուժերին ռազմական օգնություն ցուցաբերելու համար, որոնք Թուրքիայում համարվում են արգելված՝ Քրդստանի աշխատավորական կուսակցության հետ կապված ահաբեկչական կազմակերպություն:
«Զինամթերքով և տրանսպորտային միջոցներով բեռնված հազարավոր բեռնատարներ ուղարկվել են ահաբեկչական խմբավորումներին: Եվ նրանք պատերազմ են սկսել մեր դեմ` օգտագործելով այդ ամենը: Մենք՝ որպես ՆԱՏՕ-ի անդամ երկիր, պայքարում ենք և շարունակելու ենք պայքարել դրանց դեմ», – ասել է Թուրքիայի ղեկավարը:
Տաթև Ֆռանգյան
