11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
ԱՄՆ-ը բարձրացրել է Գերմանիայից ու Ֆրանսիայից ներկրված ապրանքների համար հարկերը
Քաղաքականություն
12.01.2021 | 14:17
ԱՄՆ-ի կողմից Գերմանիայից ու Ֆրանսիայից ներկրված գինու և կոնյակի, ինչպես նաև օդանավերի մասերի համար տուգանային հարկերը ուժի մեջ են մտնում հունվարի 12-ին։ Այս երկրներից ԱՄՆ ներկրումների համար հարկերը կավելանան 15%-ով։ Որոշ տեսակի գինիների համար հարկերը կավելանան 25 տոկոսով, գրում է DW-ի ռուսական ծառայությունը։
Բանն այն է, որ ԱՄՆ-ում կարծում են, որ Airbus ավիաարտադրողը Եվրոպայում ստանում է անթույլատրելի սուբսիդիաներ, որոնց շնորհիվ առավելություն ունի շուկայում ամերիկյան Boeing ավիակոնցեռնի հանդեպ։ Գերմանիան ու Ֆրանսիան կարևոր պետություններ են Airbus կոնցեռնի արտադրողական շղթայում։ Հենց այս պատճառով էլ այդ պետություններից ապրանքները դարձել են ԱՄՆ-ի կողմից տուգանքների օբյեկտ։
Ավելի վաղ՝ 2020 թվականի նոյեմբերին, ԵՄ-ում սկսեցին գործել հարկերի բարձրացում ԱՄՆ-ից ներկրված գյուղատնտեսական ու արդյունաբերական արտադրանքների վրա։
Տաթև Ֆռանգյան
