11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ռուս-մոնղոլական սահմանին 8,7 բալ ուժգնությամբ երկրաշարժ է գրանցվել․ ՏԵՍԱՆՅՈՒԹ
Քաղաքականություն
12.01.2021 | 13:01
8.7 բալ ուժգնությամբ երկրաշարժ է գրանցվել Ռուսաստանի ու Մոնղոլիայի սահմանին։ Այս մասին, «ՌԻԱ Նովոստիի» փոխանցմամբ՝ հայտնում է Իռկուտսկի մարզի ԱԻՆ վարչությունը։ Ստորգետնյա ցնցումները գրանցվել են Մոսկվայի ժամանակով ժամը 00։32-ին։ Երկրաշարժի էպիկենտրոնը եղել է Տուրտ բնակավայրից 34 կմ հեռավորության վրա։
Եվրոպական-միջերկրածովյան սեյսմոլոգիական կենտրոնը (EMSC) երկրաշարժի ուժգնությունը գնահատել է 6,5 բալ: Երկրաշարժի օջախն ընկած է եղել տասը կիլոմետր խորության վրա: Միևնույն ժամանակ, Միացյալ Նահանգների երկրաբանական ծառայությունը (USGS) հայտնում է 6,8 բալ ուժգնության մասին:
Տեղեկացվում է, որ երկրաշարժից հետո 3 հետցնցումներ են գրանցվել։
ԱԻՆ-ի տվյալներով, Իրկուտսկի մարզում զգացվել են չորս-հինգ բալ ուժգնությամբ ստորգետնյա ցնցումներ, ինչպես նաև չորս հետցնցումներ: Բուն Իրկուտսկում գրանցվել են մինչև հինգ բալ ինտենսիվությամբ ցնցումներ:
Տարածաշրջանում հնարավոր զոհերի ու ավերածությունների մասին տեղեկատվություն չի ստացվել:
Մանրամասները՝ տեսանյութում:
Տաթև Ֆռանգյան
