10.08.2026 | 10:21
Գազանջատումներ՝ Լոռու և Արարատի մարզի մի շարք հասցեներում
Վարակից մահաբերությունը 1,8 տոկոս է. նախորդող տոնական օրերի հետևանքով դեպքերի աշխուժացում կլինի. ՏԵՍԱՆՅՈՒԹ
12.01.2021 | 11:26
Կորոնավիրուսային հիվանդության առումով համաճարակային իրավիճակն ամբողջ աշխարհում մնում է լարված։ Այս մասին այսօր մամուլի ասուլիսի ժամանակ ասաց Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Գայանե Սահակյանը։
Նրա խոսքով՝ ամանորյա տոներից առաջ և հետո Հայաստանում նկատվում է համաճարակի համեմատաբար կայունացում, դեպքերի նվազում կա․
«Նախորդ 14 օրվա վարակի վերարտադրման ցուցանիշը 0․84 է։ Ակնհայտ է, որ ունենք նվազում, բայց չպետք է մոռանանք, որ ամանորյա տոներին բազմատեսակ շփումներ ենք ունեցել և կանխատեսվում է, որ առաջիկայում մի փոքր աշխուժացում կունենանք»,- նշեց Գայանե Սահակյանը՝ հավելելով, որ այդ աշխուժացումը պայմանավորված կլինի նաև ուսումնական հաստատութունները բացելու հետ:
Սահակյանի հավաստմամբ՝ կորոնավիրուսով վարակման դեպքերն առավել շատ գրանցվում են 30-35 և 55-60 տարեկանների շրջանում, իսկ երեխաների շրջանում դեպքերն առավել շատ գրանցվում են 0-5 և 15-20 միջակայքում։ Վարակից մահաբերությունը կազմում է 1,8 տոկոս:
Գայանե Սահակյանը նշեց նաև, որ Հայաստանն ունի կորոնավիրուսի թեստերի բավական քանակություն․ «Թեստերի խնդիր չունենք, թեստավորումները շարունակվում են, ուղղակի դեպքերի նվազման ֆոնի վրա դիմելիությունն է պակասել»:
Մանրամասները՝ տեսանյութում:
