11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ալիևը կարծում է, որ տրանսպորտային հաղորդակցությունների ապաշրջափակումը «բխում է Երևանի ու Բաքվի շահերից»
Քաղաքականություն
11.01.2021 | 20:17
Ռուսաստանի, Ադրբեջանի ու Հայաստանի ղեկավարների հանդիպումը Մոսկվայում Լեռնային Ղարաբաղի վերաբերյալ խոսում է այն մասին, ու կողմերը տրամադրված են արդյունքի հասնել: Այս մասին հայտարարել է Ադրբեջանի նախագահ Իլհամ Ալիևը եռակողմ հանդիպման ավարտին տեղի ունեցած ճեպազրույցում։
«Երկու ամիս է անցել կրակի դադարեցումից, և այն, որ այսօր Մոսկվայում հավաքվել են նոյեմբերի 9-ի հայտարարությունը ստորագրած երեք երկրների ղեկավարները, խոսում է այն մասին, որ մենք տրամադրված ենք արդյունքի հասնել, գիծ քաշել այն գործողությունների տակ, որ տեղի ունեցան սեպտեմբեր-նոյեմբեր ամիսներին»,- ասել է Ալիևը։
Նա հայտարարել է, որ տրանսպորտային հաղորդակցությունների ապաշրջափակումը բխում է Երևանի ու Բաքվի շահերից։
«Այն հայտարարությունը, որն այսօր ստորագրվել է, խոսում է մեր մտադրության մասին, քանի որ ռազմական գործողությունների դադարեցման վերաբերյալ հայտարարության կետերից մեկը տրանսպորտային հաղորդակցության ապաշրջափակումն է։ Սա այն ոլորտն է, որը կարող է մեծ դինամիկա հաղորդել տարածաշրջանի զարգացմանը և ամրապնդել անվտանգությունը, քանի որ հաղորդակցության բացումը բխում է Ադրբեջանի, Հայաստանի, Ռուսաստանի ու մեր հարևանների շահերից։ Համոզված եմ, որ հարևան երկրները ակտիվորեն կներգրավվեն տրանսպորտային միջանցքների ստեղծմանը»,- ասել է Ալիևը։
Հավելենք, որ եռակողմ հանդիպումից հետո տեղի է ունենում Ալիևի առանձնազրույցը ՌԴ նախագահ Վլադիմիր Պուտինի հետ։
Էմմա Չոբանյան
