27.08.2026 | 21:16
ԲՀԿ-ն դատապարտում է Ռոբերտ Քոչարյանի նկատմամբ քրեական հետապնդումը
Ես չեմ կարող պատասխանել՝ Ադրբեջանով Ռուսաստան կգնամ, թե՝ ոչ. «Իմ քայլ»-ի պատգամավոր. ՏԵՍԱՆՅՈՒԹ
Քաղաքականություն
11.01.2021 | 16:14
«Մարդիկ կսկսեն շարունակել վստահել մեր բանկային համակարգին, դրամի հանդեպ վստահությունը կբարձրանա և մարդիկ կկատարեն ծախսեր և արտարժույթի կուրսի հետ կապված ռիսկերը կնվազեն»,- այս մասին Factor.am-ի հետ զրույցում ասաց ԱԺ «Իմ քայլը» խմբակցության պատգամավոր Գևորգ Պապոյանը:
Անդրադառնալով դիտարկմանը, որ կա տեսակետ, թե թուրքական ապրանքների՝ հայկական շուկա մտնելու արգելքով պայմանավորված՝ հնարավորություն է ստեղծվում հայ արտադրողների համար, պատգամավորը նշեց, որ կարճաժամկետ հատվածում հնարավոր չէ, բայց միջնաժամկետ և երկարաժամկետ հատվածներում շուկայում թուրքական մրցունակ ապրանքների դուրս գալու հետ կապված՝ հայկական արտադրողների հնարավորությունների մեծացման օգուտները տեսանելի կլինեն:
«Սահմանները բացելը տնտեսական առումով նպատակահարմար է, և դա երբևէ Հայաստանը չի ժխտել: Փակ ճանապարհը թանկացնում է ապրանքի գինի, դժվարացնում է ապրանքի արտահանումը, հետևաբար դա խնդրահարույց է»,- ընդգծեց «Իմ քայլ»-ի պատգամավորը:
Հարցին, թե արդյոք պատրաստ է Ադրբեջանով Ռուսաստան գնալ, Պապոյանը պատասխանեց. «Դա կապված է հոգեբանության հետ, շատ այլ պայմանների փոփոխության հետ, հետևաբար այս պահին չեմ կարող պատասխանել այդ հարցին: Այս պահին չեմ կարող գնալ՝ և՛ օբյեկտիվ, և՛ սուբյեկտիվ պատճառներով: Երբ որ այդ պատճառները վերացած կլինեն, մենք բոլորս կնստենք և կքննարկենք՝ որ ճանապարհով գնալ Ռուսաստան»:
Մանրամասները՝ տեսանյութում:
