Բայդենի հակաթուրքական նշանակումը՝ թուրքական դժգոհության առիթ․The Syrian Observer

Ուրբաթ օրը Թուրքիայի ռադիոյի և հեռուստատեսության կորպորացիան (TRT) իր դժգոհությունն է արտահայտել ԱՄՆ նորընտիր նախագահ Ջո Բայդենի նկատմամբ, այն բանից հետո, երբ վերջինս   Բրեթ ՄաքԳուրկին նշանակել է Ազգային անվտանգության խորհրդում Մերձավոր Արևելքի հարցերով համակարգող, գրում է The Syrian Observer-ը։

«ՄաքԳուրքը կարևոր դերակատարություն է ունեցել իր դաշնակիցների հետ ԱՄՆ ազդեցության թուլացման և ահաբեկչության բռնկման հարցում, որի նմանը ժամանակակից աշխարհում երբեք չէր գրանցվել, իսկ այժմ թվում է, թե նա վերադարձել է աշխատանքը ավարտին հասցնելու համար», – հաղորդել է թուրքական իշխանական TRT հեռուստաալիքը:

The Syrian Observer-ը հիշեցնում է, որ ՄաքԳուրկը եղել է ԱՄՆ նախագահի հատուկ բանագնացը, որը ղեկավարել է Իսլամական պետության (ԴԱԻՇ) դեմ արշավը և օգնել է կազմել 75 երկրների և չորս միջազգային կազմակերպությունների կոալիցիա`պատմության մեջ ամենամեծ կոալիցիան, ԻՊ-ին դիմակայելու համար` համագործակցելով Սիրիայի ժողովրդավարական ուժերի (SDF) և իրաքյան բանակի հետ:

2018 թվականիի դեկտեմբերին Սիրիայից ամերիկյան զորքերը դուրս բերելու Թրամփի զարմանալի որոշումից հետո ՄաքԳուրկը հրաժարական տվեց իր պաշտոնից:

Միևնույն ժամանակ NYT-ն ՄաքԳուրկին նկարագրել է որպես «կատարող, որը 14 ամիս ղեկավարել է ԻՊ-ի դեմ արշավը»:

ՄաքԳուրքը բազմիցս մեղադրել է Թուրքիայի կառավարությանը՝  հազարավոր օտարերկրյա զինյալների մուտքը Սիրիայի տարածք՝ ահաբեկչական խմբավորումներին միանալու նպատակով թույլատրելու համար, որոնք էլ հետագայում հիմնել են ԻՊ-ը:

Տաթև Ֆռանգյան