09.02.2026 | 14:26
Ալիևն ընդունել է ԱՄՆ Առևտրի պալատի պատվիրակությանը
Ֆրանսիան պատրաստակամ է աջակցելու գերիների ազատ արձակմանը․ Ելիսեյան պալատ
Քաղաքականություն
07.01.2021 | 16:44
Ֆրանսիան հանդես է գալիս Լեռնային Ղարաբաղի հակամարտության երկարաժամկետ քաղաքական կարգավորման ուղիների որոնման օգտին: Այս մասին հայտնում են Ելիսեյան պալատից՝ հղում անելով Ֆրանսիայի նախագահ Էմանուել Մակրոնի և Հայաստանի վարչապետ Նիկոլ Փաշինյանի միջև կայացած հեռախոսազրույցին:
«Երկրի ղեկավարն անցկացրել է հեռախոսազրույց Հայաստանի վարչապետի հետ: Մակրոնը հայտնել է իր վճռականությունը՝ հասնելու երկարաժամկետ քաղաքական լուծման հոկտեմբերի 9-ի հրադադարի մասին համաձայնագրից հետո»,-հայտնել է Ելիսեյան պալատի ներկայացուցիչը:
Տեղեկացվում է , որ հեռախոսազրույցի ընթացքում նախագահը հայտնել է «Ֆրանսիայի պատրաստակամության մասին` աջակցելու գերիներին ազատ արձակելու ջանքերին, ինչպես նաև Հայաստանի տնտեսական զարգացմանը»:
Նշվում է, որ Մակրոնը նաև հայ ժողովրդին շնորհավորել է Ամանորի ու Սուրբ ծննդյան տոների կապակցությամբ։
Տաթև Ֆռանգյան
