14.12.2024 | 19:57
Ինչ իրավիճակ է ճանապարհներին 19։35-ի դրությամբ
ԱՄՆ Կոնգրեսը հաստատեց Ջո Բայդենի հաղթանակը․ CNN
Քաղաքականություն
07.01.2021 | 13:35
Հինգշաբթի օրը ԱՄՆ Կոնգրեսի Սենատը և Ներկայացուցիչների պալատը համատեղ խորհրդակցության ժամանակ հաստատեց նոյեմբերի 3-ին երկրում անցկացված նախագահական ընտրություններում դեմոկրատ Ջոզեֆ Բայդենի հաղթանակը: Այս մասին հայտնում է CNN-ը։ Նիստը հեռարձակվել է ամերիկյան լրատվական ալիքներով:
Հաստատումից հետո Բայդենը ստացել է ընտրիչների 270 քվե։ Հանդիպումը շարունակվում է:
Այս քվեարկությունը պետք է վերջ տա նոյեմբերին կայացած նախագահական ընտրությունների արդյունքների ամփոփման գործընթացին և ավարտի բանավեճը, թե ով է պաշտոնապես ճանաչվում ամերիկյան վարչակազմի հաջորդ ղեկավարը:
Հիշեցնենք՝ ԱՄՆ ներկայիս նախագահ Դոնալդ Թրամփի հազարավոր կողմնակիցների բազմությունը հունվարի 6-ին բողոքի ցույցեր էին կազմակերպել Կապիտոլիումի մոտ, այնուհետև նրանցից ոմանք ներխուժել են շենք, որտեղ կոնգրեսականները պատրաստվում էին ամփոփել նախագահական ընտրությունների արդյունքները, որոնցում հաղթել է դեմոկրատների թեկնածու Ջո Բայդենը:
Ինչպես նշում է CNN- ը, Կոնգրեսի շենքի վրա հարձակումը 1814 թ.-ին Անգլո-ամերիկյան պատերազմի ընթացքում բրիտանական հարձակումից հետո առաջին ներխուժումն էր: Նկատենք, որ բազմաթիվ ամերիկացի քաղաքական գործիչներ տեղի ունեցածը որակում են որպես հեղաշրջման փորձ և կատարվածի մեջ մեղադրում են երկրի ներկայիս ղեկավարին:
Տաթև Ֆռանգյան
