30.04.2026 | 18:51
ԿԸՀ-ն 48 ժամ է տվել առաջադրված կուսակցություններին՝ թերի լրացված փաստաթղթերը լրացնելու նպատակով
Հուլիս-օգոստոս ամիսներին օդի ամսական միջին ջերմաստիճանը նորմայից բարձր կլինի՝ մինչև +42․ Գագիկ Սուրենյան
31.05.2017 | 12:36
Այս տարվա հունիսին և՛ օդի ջերմաստիճանը, և՛ տեղումները նորմայի սահմաններում կլինեն․այս մասին լրագրողների հետ զրույցում ասել է ՀՀ ԱԻՆ հիդրոմետծառայության օդերևութաբանության կենտրոնի պետ Գագիկ Սուրենյանը:
Սուրենյանը նշել է, որ մայրաքաղաքում ամսվա առաջին տասնօրյակում գիշերային ժամերին ջերմաստիճանը հնարավոր է նվազի՝ հասնելով +7-+10 աստիճանի, իսկ ամսվա երկրորդ տասնօրյակում` ջերմաստիճանը կհասնի +34-+36 աստիճանի:
«Հունիսի ամենաշոգ օրը սպասվում է հունիսի 1-ին, օդի ջերմաստիճանը կհասնի մինչև 32 աստիճան»,- նշել է օդերևութաբանության կենտրոնի պետը՝ տեղեկացնելով, որ հուլիսին ու օգոստոսին ջերմաստիճանը նորմայից բավական բարձր է լինելու:
«Քանի որ այս տարի ջերմային ցիկլոնի ակտիվացման ցիկլն է, հուլիս-օգոստոս ամիսներին օդի ամսական միջին ջերմաստիճանը կլինի նորմայից բարձր,- ասել է նա՝ շարունակելով,- առանձին օրերին Արարատյան դաշտում, Տավուշի հովտային շրջաններում և Երևանում կդիտվի +40 աստիճան, Մեղրիում, Կապանում և Ագարակում՝ մինչև +41+42 աստիճան տաքություն»:
