11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Իսրայելական կործանիչները 10 անգամ խախտել են Լիբանանի օդային տարածքը. ՏԱՍՍ
Քաղաքականություն
05.01.2021 | 20:44
Իսրայելի ռազմաօդային ուժերի կործանիչները երկուշաբթի օրն առնվազն 10 անգամ ներխուժել են Լիբանանի օդային տարածք: Այս մասին, ինչպես գրում է ՏԱՍՍ-ը, հայտնում է «Ալ-Վատանիա» գործակալությունը ՝ վկայակոչելով Լիբանանի զինված ուժերի հրամանատարությունում սեփական աղբյուրներին:
Գործակալության տվյալներով ՝ կործանիչները թռչել են Բեյրութի ու մայրաքաղաքի հարավում գտնվող Բշամունի, Շուեյֆաթի և Արամունի տարածքների վրայով:
Ավելի վաղ տեղեկավում էր, որ Իսրայելի ռազմածովային ուժերին պատկանող նավերը երկու անգամ խախտել էին Ալ-Նակուրա հրվանդանի ծովային սահմանը:
Լիբանանը բազմիցս բողոքներ է ուղարկել ՄԱԿ-ի Անվտանգության խորհուրդ ՝ ուշադրություն հրավիրելով այն փաստի վրա, որ Իսրայելն իր օդային տարածքն օգտագործում է հարևան Սիրիայում ռազմական թիրախներին հրթիռային հարվածներ հասցնելու համար: Ըստ Լիբանանի ԱԳՆ-ի ՝ 2020 թվականի սկզբից ի վեր Իսրայելի ռազմաօդային ուժերը ավելի քան 500 անգամ ներխուժել են երկրի օդային տարածք, գրանցվել է 374 խախտում ցամաքում և 386 ՝ ծովում:
Լիբանանում ՄԱԿ-ի ժամանակավոր ուժերի հրամանատարությունը իսրայելական ինքնաթիռների հետախուզական թռիչքները համարում է ՄԱԿ-ի Անվտանգության խորհրդի 1701 բանաձևի խախտում, որով հակամարտությունից հետո հրադադար է հաստատվել 2006 թ. ամռանը:
Տաթև Ֆռանգյան
