11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ԵՄ-ն անհանգստացած է ուրանը հարստացնելու Իրանի մտադրությունից․ ՏԱՍՍ
Քաղաքականություն
05.01.2021 | 16:55
Եվրամիությունը լրջորեն մտահոգված է ուրանի մինչև 20 տոկոս հարստացում սկսելու Իրանի մտադրությունից: Այս մասին Բրյուսելում կայացած մամուլի ասուլիսի ժամանակ հայտարարել է ԵՄ արտաքին քաղաքականության ներկայացուցիչ Պիտեր Ստանոն, փոխանցում է ՏԱՍՍ-ը:
«Մենք լուրջ մտահոգությամբ ենք ընդունում ուրանի 20 տոկոսով հարստացնելու Իրանի որոշումը», – ասել է նա:
Միաժամանակ Ստանոն շեշտել է, որ ԵՄ-ն դեռ մտադիր է ամեն ինչ անել Իրանի հետ միջուկային գործարքը պահպանելու համար: «Մենք ափսոսում ենք Իրանի գործողությունների համար, բայց Եվրամիությունը կարծում է, որ միջուկային գործարքը պետք է պահպանվի համատեղ ջանքերով», – հավելել է նա:
Հիշեցնենք՝ 2018 թվականին Իրանի միջուկային ծրագրի վերաբերյալ գործողությունների համատեղ համապարփակ ծրագրից ԱՄՆ-ի դուրս գալուց հետո, 2019 թվականին Իրանը սկսեց ուրանի հարստացման և հետազոտական պարտավորությունների փուլային կասեցումը, և այս գործընթացի ավարտի մասին Իրանը հայտարարեց 2020 թվականի հունվարի սկզբին:
Տաթև Ֆռանգյան
