11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ղասեմ Սոլեյմանիի սպանության մեջ, ԱՄՆ-ից բացի, իրենց դերը խաղացել են ևս 8 երկիր. DW
Քաղաքականություն
03.01.2021 | 22:02
Իրանցի գեներալ Ղասեմ Սոլեյմանիի 7 Իրաքի ժողովրդական մոբիլիզացիոն ջոկատների հրամանատար Աբու Մահդի ալ Մուհանդիսի մահվան տարելիցի կապակցությամբ Բաղդադի օդանավակայանի մերձակայքում են հավաքվել հարյուրավոր իրաքցիներ, հայտնում է Tasnim-ը:
Շաբաթ երեկոյան հավաքվածները միացել են Բաղդադի օդանավակայան տանող խճուղով ընթացող երթին, որտեղ տեղի է ունեցել երկու բարձրաստիճան զինվորականների սպանությունը:
Իրանը գեներալ Ղասեմ Սոլեյմանի սպանության մեջ, ԱՄՆ-ից բացի մեղադրում է նաև Եվրոպայի և մերձավոր արևելքի երկրների մի մասին: «Դոյչե Վելեն» գրում է, որ Իրանի պետական լրատվամիջոցների հաստատմամբ, գեներալի սպանության մեջ իրենց դերը խաղացել են՝ Գերմանիան, Բրիտանիան, Իրաքը, Սիրիան, Լիբանանը, Հորդանանը, Քուվեյթն ու Քաթարը:
«Դեֆա պրեսի» տեղեկությամբ, Սոլեյմանի սպանության հետաքննությունից հետո, ցուցակին կավելանան ավելի շատ երկրներ:
Իրանի դատախազ, Ալի Ալքասիմերը հայտարարել է, որ Սոլեյմանի սպանության մեջ ներգրավված են եղել բրիտանական անվտանգության ընկերությունը և Գերմանիայում գտնվող ավիաբազան: Իրանի կառավարությունը պնդում է, որ գեներալ Ղասեմ Սոլեյմանին սպանելու համար, ԱՄՆ-ն օգտագործել է Գերմանիայում գտնվող Ռամշտեյնի ավիաբազան:
Իրանցի գեներալը սպանվել է 2020 թվականի հունվարի 3-ին Իրաքում, ԱՄՆ-ի անօդաչու թռչող սարքի հարվածից:
