27.08.2026 | 22:44
Վարորդական իրավունք ստանալու համար ուսուցումը կդառնա պարտադիր. ՆԳՆ-ն օրենքների նախագծերի փաթեթ է շրջանառության մեջ դրել
Կիմ Չեն Ընն ամանորյա տեսաուղերձի փոխարեն սահմանափակվել է ժողովրդին ուղղված ձեռագիր նամակով. ՌԻԱ Նովոստի
Քաղաքականություն
01.01.2021 | 14:51
ԿԺԴՀ ղեկավար Կիմ Չեն Ընը ոչ թե ամանորյա տեսաուղերձ է հղել, այլ սահմանափակվել է ժողովրդին ուղղված ձեռագիր նամակով: Նամակի տեքստը հրապարակվել է Կորեայի Կենտրոնական հեռագրական գործակալության կողմից, փոխանցում է ՌԻԱ Նովոստին։
«Ի սրտե մաղթում եմ երկրի բոլոր ընտանիքներին թանկ երջանկության է’լ ավելի մեծ բարգավաճում , բարեկեցություն իմ սիրելի ժողովրդին», – գրել է Հյուսիսային Կորեայի առաջնորդը:
Նա նաև խոստացել է էլ ավելի եռանդուն պայքար մղել « ժողովրդի ծաղկուն իդեալների ու նկրտումների նոր դարաշրջանին մոտենալու համար»:
Կիմ Չեն Ընի նամակը հրապարակվել է Կորեայի աշխատավորական կուսակցության ութերորդ համագումարից առաջ, որը պետք է տեղի ունենա առաջիկա օրերին: Հավաստագրերը համագումարի մասնակիցներին հանձնվել են 2020 թվականի վերջին օրը:
ԿԺԴՀ-ն Նոր տարին դիմավորեց Փհենյանի կենտրոնական հրապարակում տոնական համերգով, որը հեռարձակվել է հեռուստատեսությամբ և ավարտվել հրավառությամբ:
Տաթև Ֆռանգյան
