20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Արայիկ Հարությունյանի հրաժարականի մասին տեղեկություններն իրական չեն. խոսնակ
Քաղաքականություն
30.12.2020 | 16:32
Երեկ Արցախի «Արդարություն» կուսակցությունն ու ՀՅԴ-ն համատեղ հայտարարություն էին տարածել և հայտնել, որ Արցախի նախագահ Արայիկ Հարությունյանը խախտել է պայմանը ու պատերազմից հետո համաձայնության կառավարությունը ձևավորում է միայնակ։
Հայտարարությունում նաև նշվում է, որ ելնելով առաջիկայում նոր խորհրդարանական և նախագահական ընտրությունների անցկացման խնդրահարույց լինելու հանգամանքից՝ Արցախի խորհրդարանական ուժերն ընդունել են ազգային միասնության կառավարություն ստեղծելու Ա. Հարությունյանի առաջարկը՝ նախագահի փաստացի լիազորությունները սահմանափակելու և ողջամիտ ժամկետում արտահերթ ընտրություններ կազմակերպելու նախապայմանով:
Այս հայտարարությունից հետո տեղեկություններ շրջանառվեցին, որ Արայիկ Հարությունյանը հրաժարական է ներկայացնելու։ Արցախի նախագահի մամուլի խոսնակ Վահրամ Պողոսյանը Factor.am-ին փոխանցեց, որ այդ տեղեկություններն իրականությանը չեն հանապատասխանում։
Նարեկ Կիրակոսյան
