30.06.2026 | 17:00
Թուրքիայի հետ F35-ի գործարքը կախված է ռուսական C-400-ները երրորդ երկրին վաճառելու որոշումից․ Euractiv
Պետրինյա քաղաքի կենտրոնն այլև չկա․ հզոր երկրաշարժ Խորվաթիայում․ կան փլուզումներ, վիրավորներ ու զոհ. ՏԵՍԱՆՅՈՒԹ
Քաղաքականություն
29.12.2020 | 18:11
Խորվաթիայում երկրաշարժի արդյունքում կան տուժածներ ու մեկ զոհ։ Երկրի մայրաքաղաք Զագրեբի մի հատվածը հոսանքազրկվել է, Սիսակ քաղաքում փլուզվել է հիվանդանոցի տանիքը, հայտնում է ՌԻԱ Նովոստին։
Այսօր Խորվաթիայում 6,3 բալ ուժգնությամբ երկրաշարժ էր գրանցվել, որի էպիկենտրոնը գտնվել է երկրի կենտրոնական մասում՝ Պետրինյա քաղաքում։ Ցնցումները զգացվել են Խորվաթիայի ողջ տարածքում, ինչպես նաև հարևան երկրներում։
Տեղում աշխատող ԶԼՄ-ների նախնական տեղեկությունների համաձայն՝ Պետրինյայում զոհվել է մանկահասակ երեխա։
Our colleagues from Croatian Red Cross are on the ground assisting at the epicentre of the #earthquake at #Petrinja #croatia @crvenikriz_hr pic.twitter.com/tEJ58O8eab
— IFRC Europe (@IFRC_Europe) December 29, 2020
«Պետրինյա քաղաքի կենտրոնը, ինչպիսին այն նախկինում էր, այլևս գոյություն չունի: Ոչ պաշտոնապես հաղորդվում է, որ կան զոհեր: Մարդիկ պառկած են այգիներում, ոմանք նետվում են շենքերի տանիքներից», – հայտնել է տեղի հեռուստաալիքներից մեկը:
Հաղորդվում է նաև, որ Սիսակի հիվանդանոցներից մեկի տանիքը փլուզվել է: Երկրաշարժի պահին հեռուստաալիքի նկարահանող խումբը եղել է քաղաքապետարանի շենքում, որը վնասվել է, բայց չի փլուզվել։
Հիշեցնենք, որ նախօրեին ևս Խորվաթիայում ցնցումներ էին գրանցվել, սակայն դրանց ուժգնությունը ավելի թույլ են եղել։
Տաթև Ֆռանգյան
