18.11.2024 | 21:37
ՀՀ ԱԺ նախագահի գլխավորած պատվիրակությունը Վիետնամում է
ՀՀ-ին նվիրաբերվող ապրանքների դեպքում հարկ չի գանձվի. ԱԺ-ն ամբողջությամբ ընդունեց օրինագիծը
Քաղաքականություն
29.12.2020 | 17:09
Ազգային ժողովը երկրորդ ընթերցմամբ և ամբողջությամբ ընդունեց «Պետական տուրքի մասին» ՀՀ օրենքում լրացում և փոփոխություններ կատարելու մասին օրենքի նախագիծը, որով առաջարկվում է վերացնել Հայաստանի Հանրապետությանը նվիրաբերվող ապրանքների դեպքում առկա հարկային բոլոր վճարումները:
Նախագծի հեղինակը «Իմ քայլը» խմբակցության պատգամավոր Սիսակ Գաբրիելյանն է։ «Երբ քաղաքացին որևէ բարեգործական ապրանք է նվիրաբերում Հայաստանի Հանրապետությանը, ինքն ազատվում է մաքսավճարներից և հարկային այլ վճարներից՝ բացառությամբ մեկ վճարի, որն այս նախագծով էլ փորձում ենք ազատել: Խոսքը պետական տուրքի մասին է, որը սահմանում է, որ տվյալ դեպքում յուրաքանչյուր տոննայի համար 1․000 դրամ կվճարվի, մյուս տոննաժների համար՝ 0.3 գործակցով: Այս արտոնությամբ մենք վերացնում ենք բոլոր տեսակի վճարները»,- ասաց Գաբրիելյանը՝ ներկայացնելով նախագիծը:
Օրենքի նախագիծն ընդունվեց 80 կողմ ձայնով:
Առաջինից երկրորդ ընթերցման ընթացքում օրենքի նախածգում փոփոխություններ չէին կատարվել:
