09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Անհայտ բացակայող, մահացած ճանաչելու գործող ժամկետները կկրճատվեն
Քաղաքականություն
29.12.2020 | 17:03
Ազգային ժողովն այսօր ամբողջությամբ ընդունեց Կառավարության ներկայացրած՝ ՀՀ Քաղաքացիական օրենսգրքում լրացում և փոփոխություն կատարելու մասին օրենքի նախագիծը, որով առաջարկվում է կրճատել անհայտ բացակայող, մահացած ճանաչելու գործող ժամկետները:
Նախագիծն ԱԺ նիստում քվեարկությամբ ստացավ 78 «կողմ» ձայն:
ԱԺ նիստում այն ներկայացրեց ՀՀ արդարադատության նախարար Ռուստամ Բադասյանը:
Նա հիշեցրեց, որ գործող Քաղաքացիական օրենսգրքի 44-րդ հոդվածի 1-ին մասի պահանջների համաձայն՝ շահագրգիռ անձանց դիմումով դատարանը կարող է քաղաքացուն անհայտ բացակայող ճանաչել, եթե 1 տարվա ընթացքում նրա բնակության վայրում տեղեկություններ չկան նրա գտնվելու վայրի մասին: Ներկայացված նախագծով առաջարկվում է ժամկետը դարձնել 3 ամիս:
Այսպիսով՝ եթե անձի բնակության վայրում տեղեկություններ չկան նրա գտնվելու վայրի մասին 3 ամսվա ընթացքում, ապա շահագրգիռ անձանց դիմումով դատարանները կարող են անձին անհայտ բացակայող ճանաչել, և օրինական ուժի մեջ մտած դատական ակտի վրա դիմել հատուցման հիմնադրամին՝ հատուցում ստանալու համար:
Կարգավորումները տարածվում են սեպտեմբերի 27-ից ծագած հարաբերությունների վրա:
