Քաղաքականություն
29.12.2020 | 15:47
Թուրքիայի ԱԳՆ ղեկավար Մևլյութ Չավուշօղլուն հայտարարել է, որ իր ռուս գործընկեր Սերգեյ Լավրովի հետ Սոչիում կայանալիք բանակցությունների ժամանակ քննարկելու է երկու երկրների ղեկավար Վլադիմիր Պուտինի ու Թայիփ Էրդողանի հանդիպման նախապատրաստումը, որը կարող է կայանալ հաջորդ տարի։ Այս մասին հայտնում է ՏԱՍՍ-ը։
«Մեր նախագահների սերտ երկխոսությունը, նրանց միջև հարաբերություններում փոխվստահությունը ծառայում է ոչ միայն երկկողմ, այլ նաև տարածաշրջանային հարաբերությունների զարգացմանը: Այսօր մենք նախապատրաստական աշխատանքներ կկատարենք հաջորդ տարի Թուրքիայում կայանալիք մեր նախագահների հանդիպման համար», – ասել է նա Ռուսաստանի և Թուրքիայի արտգործնախարարությունների ռազմավարական պլանավորման համատեղ խմբի նիստին:
Չավուշօղլուն շեշտել է, որ Անկարան գոհ է Մոսկվայի հետ սերտ երկխոսությունից և դրան աջակցելու համար գերատեսչությունների ակտիվ աշխատանքից:
«Իհարկե, մենք մեծապես գոհ ենք առևտրի, մշակույթի, զբոսաշրջության, էներգետիկայի ոլորտում մեր հարաբերությունների ընդլայնումից», – հավելել է թուրք նախարարը:
Տաթև Ֆռանգյան
