30.06.2026 | 22:58
ԱԱ-2026. Հոլանդի գոլը Նորվեգիային դուրս բերեց 1/8 եզրափակիչ. ՏԵՍԱՆՅՈՒԹ
Լավրովն ու Չավուշօղլուն Սոչիում քննարկելու են ԼՂ հարցը․ ՏԱՍՍ
Քաղաքականություն
29.12.2020 | 13:00
Ռուսաստանի արտգործնախարար Սերգեյ Լավրովը այսօր բանակցություններ կանցկացնի իր թուրք գործընկեր Մևլութ Չավուշօղլուի հետ, որը մեկօրյա աշխատանքային այցով Սոչիում է:
ՏԱՍՍ-ը նշում է, որ Ռուսաստանի Դաշնության և Թուրքիայի արտգործնախարարությունների ղեկավարների հանդիպումները պարբերական բնույթ են կրում: Անգամ համաճարակը դրան չի խանգարել. Սոչիի բանակցությունները կդառնան այս տարվա հինգերորդ դեմ առ դեմ հանդիպումը:
Ակնկալվում է, որ այս անգամ Լավրովն ու Չավուշօղլուն հատուկ ուշադրություն կդարձնեն Լեռնային Ղարաբաղի հակամարտության կարգավորմանը, մասնավորապես ՝ Ադրբեջանի, Հայաստանի և Ռուսաստանի Դաշնության ղեկավարների եռակողմ հայտարարության իրագործմանը և հումանիտար օգնության տրամադրմանը:
Հանդիպման արդյունքում կստորագրվի 2021-2022 թվականների խորհրդակցությունների նախագիծը:
Տաթև Ֆռանգյան
