30.06.2026 | 22:58
ԱԱ-2026. Հոլանդի գոլը Նորվեգիային դուրս բերեց 1/8 եզրափակիչ. ՏԵՍԱՆՅՈՒԹ
ՌԴ իրավապահ համակարգը վերջնագիր է ներկայացրել Ալեքսեյ Նավալնիին․ Reuters
Քաղաքականություն
29.12.2020 | 13:45
ՌԴ պատիժների կատարման դաշնային ծառայությունը ռուս ընդդիմադիր գործիչ Ալեքսեյ Նավալնիին վերջնագիր է ներկայացրել. անմիջապես լքել Գերմանիան և երեքշաբթի վաղ առավոտյան լինել Մոսկվայում, իսկ վերջնաժամկետից ուշ վերադարձի դեպքում վերջինս կբանտարկվի, գրում է Reuters-ը։
ՌԴ նախագահ Պուտինի թիվ մեկ ընդդիմադիր Նավալնիին Գերմանիա էին տեղափոխել օգոստոս ամսին բուժման նպատակով, որտեղ էլ պարզվել էր, որ վերջինս թունավորվել էր «Նովիչոկ» տեսակի թույնից։
Ռուսաստանը, սակայն, ոչ մի ապացույց չի հայտնաբերել թունավորման փաստի առթիվ և հերքում է միջադեպի հետ կապը։
Պատիժների կատարման դաշնային ծառայությունը Նավալնիին մեղադրել է պայմանական ազատազրկման ժամկետները խախտելու (կրում է 2014 թվականի դատավճռով`գողության գործով) և Ռուսաստանի քրեական տեսչության հսկողությունից խուսափելու համար։
Պարզաբանվում է, որ Նավալնին սեպտեմբերի 20-ին դուրս է գրվել Բեռլինի հիվանդանոցից, իսկ հիվանդության բոլոր ախտանիշներն անհետացել են հոկտեմբերի 12-ին:
«Հետևաբար, դատապարտյալը չի կատարում դատարանի կողմից իր վրա դրված բոլոր պարտավորությունները և խուսափում է քրեական տեսչության վերահսկողությունից», – ասված է հաղորդագրության մեջ:
Կրեմլից հայտնել են, որ Նավալնին ցանկացած պահի կարող է վերադառնալ Ռուսաստան, ինչպես ՌԴ ցանկացած այլ քաղաքացի։
