Քաղաքականություն
29.12.2020 | 11:22
Փարիզից 60 կմ հարավ-արևելք տեղակայված Ֆրանսիական Ֆոնտենբլո քաղաքում անհայտ անձինք պղծել են 70 գերեզման՝ գունավոր ներկեր շաղ տալով շիրմաքարերի վրա։ Ընդ որում հարևանությամբ գտնվող հրեական գերեզմանատունը վանդալները չեն վնասել։ Այս մասին գրում է DW-ի ռուսական ծառայությունը։
Ֆոնտենբլոյի քաղաքապետ Ֆրեդերիկ Վալետուն տեղի ունեցածն անվանել է «բռնության անհավանակն ակտ» ու խոստացել է միջադեպի առնչությամբ դիմել ոստիկանություն։ Իր հերթին Ֆրանսիայի ներքին գործերի նախարար Ժերալդ Դարմանեն Twitter -ի իր միկրոբլոգում գրել է, որ խուլիգանների արարքն իր մոտ զզվանք է առաջացնում, և նա ամեն բան կանի նրանց գտնելու համար։
Գործի հետաքննությամբ զբաղվող դատախազության տեղեկությունների համաձայն՝ միջադեպի համար պատասխանատվությունը դեռևս ոչ ոք իր վրա չի վերցրել։ Միևնույն ժամանակ ֆրանսիական ԶԼՄ-ները հայտնում են, որ վանդալիզմի համանման ակտեր են տեղին ունեցել նոյեմբեր ամսին Մելյոն քաղաքում։
Տաթև Ֆռանգյան
