17.09.2026 | 13:10
«Հույսը ծրագիր չէ»․ ՄԹ դեսպանը՝ Հայաստանի անվտանգության և դիմակայունության մասին․ ՏԵՍԱՆՅՈՒԹ
Չավուշօղլուն մտադիր է Լավրովի հետ քննարկել Ադրբեջանի սահմանների անվտանգությունը. ՏԱՍՍ
Քաղաքականություն
28.12.2020 | 16:48
Թուրքիայի արտգործնախարար Մևլյութ Չավուշօղլուն այսօր հայտարարել է իր ռուս գործընկեր Սերգեյ Լավրովի հետ Ադրբեջանի սահմանների անվտանգության հարցը քննարկելու մտադրության մասին, գրում է ՏԱՍՍ-ը։
«Մենք Ռուսաստանի հետ համագործակցում ենք տարբեր ոլորտներում, անգամ եթե մեր հայացքները ինչ-որ հարցերի շուրջ չեն համընկնում։ Մենք տարբեր տեսակետներ ունենք Սիրիայում, սակայն մեր համագործակցությունը, որը սկսվեց շնորհիվ աստանյան գործընթացի, շարունակվում է։ Լիբիայում ևս տարբեր կողմերում ենք, սակայն մենք բարձր մակարդակով ձեզ հետ կիսվեցինք Ռուսաստանի հետ մեր աշխատանքով, որը կշարունակվի մինչև հարատև խաղաղության հաստատումը։ Մենք նաև կքննարկենք Ադրբեջանի ու Հայաստանի հարցը։ Անհրաժեշտ է, որպեսզի Ադրբեջանի սահմանների անվտանգությունն ապահովվի միջազգային իրավունքի շրջանակներում։ Այս հարցում մենք քայլեր կձեռնարկենք, որոնք անհրաժեշտ կլինեն ձեռնարկել»,- Անկարայում կայացած մամլո ասուլիսի ժամանակ հայտարարել է Թուրքիայի ԱԳՆ ղեկավարը։
Ինչպես ավելի վաղ հայտնել են Ռուսաստանի ԱԳՆ-ից, Չավուշօղլուն դեկտեմբերի 29-ին կայցելի Սոչի ՝ մասնակցելու Ռազմավարական պլանավորման համատեղ խմբի ութերորդ հանդիպմանը, որը գործում է ռուս-թուրքական բարձր մակարդակով համագործակցության խորհրդի շրջանակներում:
Տաթև Ֆռանգյան
