17.09.2026 | 13:10
«Հույսը ծրագիր չէ»․ ՄԹ դեսպանը՝ Հայաստանի անվտանգության և դիմակայունության մասին․ ՏԵՍԱՆՅՈՒԹ
Չնայած սպառնալիքներին, Թրամփը ստորագրել է «կորոնավիրուսային օգնության» մասին նախագծի նոր փաթեթը․ BBC
Քաղաքականություն
28.12.2020 | 16:16
ԱՄՆ նախագահ Դոնալդ Թրամփը ուշացումով ստորագրել է «կորոնավիրուսային օգնության» մասին նախագծի նոր փաթեթը ՝ կանխելով կառավարության լիազորությունների մասնակի դադարեցումը: Այս մասին հայտնում է BBC-ն։
Ավելի վաղ Դոնալդ Թրամփը հրաժարվում էր ստորագրել օրինագիծը ՝ քննադատելով դրանում առկա «անիմաստ ծախսերը» և կոչ անելով ավելի բարձր վճարումներ կատարել համաճարակի պատճառով տուժած մարդկանց:
Հետաձգումը կնշանակեր, որ միլիոնավոր մարդիկ ժամանակավորապես կկորցնեին գործազրկության նպաստները: Տևական բանակցություններից հետո 900 միլիարդ ԱՄՆ դոլարի օգնության նախագիծը հաստատվել է Կոնգրեսի կողմից:
ԱՄՆ Կոնգրեսի հանրապետական և դեմոկրատ օրենսդիրները հորդորում էին Թրամփին այն ստորագրել մինչև երկուշաբթի երեկո՝ որոշ պետական կառույցների լիազորությունների ժամանակավոր դադարեցումից խուսափելու նպատակով:
BBC-ն տեղեկացնում է, որ շուրջ 14 միլիոն ամերիկացիներ բախվել են գործազրկության նպաստների վճարման հետընթացին, սակայն այժմ գործազրկության նպաստների տրամադրումը կվերականգնվի:
Տաթև Ֆռանգյան
