11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ՌԴ-ն 2 միլիոն շվեյցարական ֆրանկ է հատկացրել ԿԽՄԿ-ին՝ ԼՂ-ին մարդասիրական օգնություն ցուցաբերելու համար․ ՌԴ ԱԳՆ. ՌԻԱ Նովոստի
Քաղաքականություն
25.12.2020 | 17:27
Ռուսաստանը Կարմիր խաչի միջազգային կոմիտեի (ԿԽՄԿ) բյուջեին հատկացրել է 2 միլիոն շվեյցարական ֆրանկ Լեռնային Ղարաբաղում հակամարտության հետևանքով մարդասիրական խնդիրների լուծման համար։ Այս մասին ասվում է ՌԴ ԱԳՆ հաղորդագրության մեջ, գրում է ՌԻԱ Նովոստին։
«Ռուսաստանի կառավարության որոշման համաձայն՝ Կարմիր խաչի միջազգային կոմիտեի (ԿԽՄԿ) բյուջե կամավոր կերպով մուտքագրվել է 2 միլիոն շվեյցարական ֆրանկ ՝ Լեռնային Ղարաբաղի հակամարտության մարդասիրական հետևանքները լուծելու նպատակով միջոցներ ձեռնարկելու հետ կապված ծախսերը ֆինանսավորելու համար», – ասված է ՌԴ ԱԳՆ հաղորդագրության մեջ:
Նշվում է, որ այս ուղղությունը դարձել է Ռուսաստանի Դաշնության և ԿԽՄԿ-ի արդյունավետ համագործակցության առաջնահերթություններից մեկը:
«Մեր երկիրը լայնածավալ ջանքեր է գործադրում խաղաղ բնակչությանը օժանդակություն ցուցաբերելու և տարածաշրջանի քաղաքացիական ենթակառուցվածքները վերականգնելու ուղղությամբ: Մենք պատրաստ ենք Կոմիտեի հետ հետագա փոխգործակցությանը և հուսով ենք, որ ԿԽՄԿ-ն կշարունակի արդյունավետ աշխատել իր մանդատի շրջանակներում ոլորտներում», – ավելացրել են նախարարությունից:
Տաթև Ֆռանգյան
