12.01.2025 | 14:16
Առաջիկա օրերին օդի ջերմաստիճանն էապես չի փոխվի
Թշնամին գտնվում է Սյունիքի բնակավայրերից 100 մետրի վրա․ Կապան քաղաքը և այլ բնակավայրեր դառնում են լուրջ թիրախ․ Փարսյան ՏԵՍԱՆՅՈՒԹ
Քաղաքականություն
25.12.2020 | 16:34
Կապանցիների համար դա լուրջ անվտանգային խնդիրներ են առաջացրել: Այս մասին ԱԺ «Բարգավաճ Հայաստան» խմբակցության կազմակերպած աշխատանքային քննարկման ժամանակ ասաց Կապանի քաղաքապետ Գևորգ Փարսյանը:
Նրա խոսքով՝ այսօրվա դրությամբ՝ թշնամին Սյունիք բնակավայրի բնակելի հատվածից գտնվում է 100 մետր, Կապանից՝ 1 կմ հեռավորության վրա, և այդ բնագծերը զիջելով՝ Կապան քաղաքը և մի շարք բնակավայրեր դարձել են թիրախ թշնամու համար:
Կապանի քաղաքապետն ասաց, որ կան խնդիրներ նաև ճանապարհների անվտանգության հետ կապված, մասնավորապես՝ Կապան-Գորիս, Կապան-Ճակատեն, Կապան-Ագարակ հատվածների: «Կապան-Գորիսը և Կապան-Ճակատենը գործում են, իսկ Կապան-Ագարակը ստիպված ենք եղել չօգտագործել, քանի որ անցել է թշնամու վերահսկողության ներքո, և դեռևս որևէ կարգավորում չկա: Կա, իհարկե, այլընտրանքային ճանապարհ, որը, սակայն, հիմնանորոգման կարիք ունի և մի քանի անգամ երկար է, իսկ ձմռան ամիսներին նույնիսկ անանցանելի է դառնում: Այսինքն՝ Ագարակի, Եղվարդի և Ուջանի գյուղացիները որոշ առումով շրջափակման մեջ են հայտնվել»,- պարզաբանեց Փարսյանը:
Մանրամասները՝ տեսանյութում:
