17.09.2026 | 18:10
ՄԻԵԴ-ի ՀՀ-ի դեմ որոշում է կայացրել // ԿԸՀ նախագահը հայտնել է հունիսի 7-ին կիբեռհարձակման մասին․ ԼՈՒՐԵՐ
Հռոմի պապը Սուրբծննդյան իր ուղերձը չի հղել Սուրբ Պետրոսի տաճարի պատշգամբից․ Euronews
Քաղաքականություն
25.12.2020 | 19:21
Այս տարի Հռոմի պապ Ֆրանցիսկոսը Սուրբ Ծննդյան օրվա կապակցությամբ իր ուղերձը հղել է Սուրբ Պետրոսի տաճարում ՝ կորոնավիրուսի սահմանափակումների պատճառով, գրում է Euronews-ը։
«Այս պատմական պահին, որը առանձնանում է էկոլոգիական ճգնաժամով և լուրջ տնտեսական և սոցիալական անհավասարությամբ, որոնք սրվում են կորոնավիրուսային համաճարակի պատճառով, մեզ ավելի շատ եղբայրություն է պետք, քան երբևէ», – ասել է Ֆրանցիսկոս պապը:
Հռոմի պապը ավանդաբար իր Urbi et Orbi (քաղաքին և աշխարհին) Սուրբ Ծննդյան ավանդական ուղերձը հղում է Սուրբ Պետրոսի տաճարի պատշգամբից՝ դեկտեմբերի 25-ին: Սակայն այս տարի Իտալիան Սուրբ Ծննդյան և Ամանորի օրերին նոր խիստ սահմանափակումներ է սահմանել`կորոնավիրուսի տարածումը կանխելու համար: Այս պատճով էլ Հռոմի պապ Ֆրանցիսկոսը հինգշաբթի վաղ առավոտյան պատարագ է մատուցել Սուրբ Պետրոսի տաճարում՝ փոքրաթիվ մարդկանց համար ։ Պատարագն առավոտյան է մատուցվել, որպեսզի չխախտվի Իտալիայում երեկոյան ժամը 10-ից հետո սահմանված պարետային ժամը։
Համաձայն COVID-19 սահմանափակումների ՝ Հռոմի պապը տոնական օրերին չի շրջի Սուրբ Պետրոսի հրապարակում, որտեղ ավանդաբար օրհնում է հավաքված ժողովրդին:
Իր խոսքում Հռոմի պապը հայտարարել է . «Ահա թե ինչ է Սուրբ Ծնունդը. Հիսուսի ծնունդն այն «նորությունն» է, որը մեզ հնարավորություն է տալիս ամեն տարի վերածնվել և նրա մեջ գտնել այն ուժը, որն անհրաժեշտ է յուրաքանչյուր փորձությանը դիմակայելու համար»:
Տաթև Ֆռանգյան
