13.12.2024 | 18:30
Կրասնոդարում դպրոցականների վրա դանակով հարձակված ՀՀ քաղաքացի դեռահասի ծնողները կվտարվեն ՌԴ-ից
Հայաստանում նոր՝ ազդեցիկ մարդ չձևավորվելու պատճառը Սերժ Սարգսյանի գործոնն է. քաղտեխնոլոգ
Քաղաքականություն
17.01.2018 | 14:07
Վարչապետի և նախագահի ընտրությունները վերջին ամիսներին բոլորի ու հատկապես՝ մեդիա դաշտի ուշադրության կենտրոնում են ու ինձ համար դա զարմանալի է, քանի որ այս ընթացքում միշտ ասվել է, որ դա Հանրապետական կուսակցության ներքին գործն է. այսօր լրագրողների հետ հանդիպմանն ասաց քաղտեխնոլոգ Կարեն Քոչարյանը:
«Անկախ նրանից ով կլինի նախագահ, ով կլինի վարչապետ, Սերժ Սարգսյանը մոտ ապագայում մնալու է Հայաստանի Հանրապետության ամենաազդեցիկ գործիչը»,- ասաց Քոչարյանը՝ շեշտելով, որ ուժերի դասավորվածություն չի փոխվելու ու Կարեն Կարապետյան-Սերժ Սարգսյան տանդեմն աշխատելու է:
Հայաստանում վարվող քաղաքականության մասին լրագրողի հնչեցրած հարցի հետ համամիտ լինելով՝ Քոչարյանը պատասխանեց. «Այո, մեր երկրում քաղաքականությունն անձնակենտրոն է, դրա համար էլ ասում եմ՝ Սերժ Սարգսյանից ազդեցիկ մեկը չկա, չի ձևավորվել»:
Իսկ թե, նոր ազդեցիկ անձի չձևավորվելու պատճառը որն է, բանախոսը պատասխանեց. «Դա եղել է նաև Սերժ Սարգսյանի գործոնը, ընդդիմադիր դաշտի հետևողական փոշիացումը, իշխանական դաշտի լճացումը, այսինքն, որ մինչ օրս մնացել են «մառազմատիկներ», որոնց թվում է, թե իրենք «кащей бессмертный» են»:
Մանրամասները՝ տեսանյութում:
