02.11.2026 | 15:48
Իրանը հայտարարել է, որ պատրաստ է երկու օրվա ընթացքում վերաբացել Հորմուզի նեղուցը, եթե ԱՄՆ-ը համաձայնի իր պայմաններին
Թուրք-ամերիկյան համատեղ «Ինջիրլիք»-ի ավիաբազայում ԱԹՍ է ընկել
Քաղաքականություն
25.12.2020 | 11:48
Սիրիայի հետ սահմանակից Թուրքիայի Ադանա նահանգում գտնվող թուրք-ամերիկյան համատեղ «Ինջիրլիք»-ի ավիաբազայում ԱԹՍ է ընկել։ Ռազմաբազայի 10-րդ տանկային ստորաբաժանման անձնակազմը հայտնաբերել է կործանված ԱԹՍ-ն ռազմաբազայի բակում, տեղեկացնում է ahvalnews.com-ը։
Հակաահաբեկչական ջոկատը ուղարկվել է դեպքի վայր։ ԱԹՍ-ն տեղափոխվել է ոստիկանության շտաբ՝ ուսումնասիրությունների համար։
Լրատվական գործակալությունը տեղեկացնում է, որ ըստ շրջանառվող լուրերի՝ ամենայն հավանականությամբ, այս միջադեպով Թուրքիան փորձում է հաշվեհարդար տեսնել ԱՄՆ-ի կողմից երկրի պաշտպանական արդյունաբերության դեմ CAATSA պատժամիջոցների համար ՝ պահանջելով լքել «Ինջիրլիք»-ի ավիաբազան:
Հավելենք, որ «Ինջիրլիք»-ի ավիաբազան տասնամյակներ շարունակ համատեղ շահագործվում է ԱՄՆ-ի և Թուրքիայի ռազմաօդային ուժերի կողմից, և այն կարևոր հենակետ է եղել Իրաքում և Սիրիայում ԱՄՆ գործողությունների համար: Հենակետը նաև տեղակայվել է՝ մարտավարական միջուկային զենքը փոխանցելու նպատակով:
Տաթև Ֆռանգյան
