15.12.2025 | 12:54
Շատ խոշոր բիզնեսներ կրպակից չեն տարբերվում, տեղից շարժվե՛ք․ Ավինյան. ՏԵՍԱՆՅՈՒԹ
Ադրբեջանը ոտնահարել է ՄԽ շրջանակում ընթացող բանակցային գործընթացը և Մադրիդյան սկզբունքները. Լյուքսեմբուրգի խորհրդարանը բանաձև է ընդունել
Քաղաքականություն
24.12.2020 | 20:26
Դեկտեմբերի 24-ին Լյուքսեմբուրգի խորհրդարանը միաձայն ընդունել է բանաձև, որով երկրի օրենսդիր մարմինը կոչ է անում գործադիր մարմնին, ի թիվս այլոց, Լեռային Ղարաբաղի կարգավիճակի վերջնական կարգավորման նպատակով պահանջել քաղաքական համապատասխան գործընթացի մեկնարկ՝ աջակցելով ԵԱՀԿ Մինսկի խմբի համանախագահների ջանքերին։
Մասնավորապես, Լյուքսեմբուրգի խորհրդարանն արձանագրել է, որ Ադրբեջանը ոտնահարել է Մինսկի խմբի շրջանակներում ընթացող բանակցային գործընթացը և Մադրիդյան սկզբունքները՝ սանձազերծելով պատերազմ Լեռնային Ղարաբաղի նկատմամբ վերահսկողության հաստատման նպատակով, այդ թվում՝ փաստելով Թուրքիայի քաղաքական և ռազմական աջակցությունն Ադրբեջանին՝ ռազմական տեխնիկայի և ջիհադիստ վարձկանների տեղակայման միջոցով։ Նշյալ բանաձևով արձանագրվում է նաև Լեռնային Ղարաբաղի տարածքների բռնազավթումն Ադրբեջանի կողմից, բռնազավթված տարածքներում բնակչության անվտանգության երաշխիքների բացակությունը և կոչ է արվում ապահովել մարդասիրական կազմակերպությունների մուտքը Լեռնային Ղարաբաղ, պահպանել եռակողմ հայտարարությամբ սահմանված հրադադարը, սկսել ռազմական հանցագործությունների հետաքննություն և երաշխավորել բոլոր փախստականների վերադարձը Լեռնային Ղարաբաղում իրենց բնակավայրեր։
Կարդացեք նաև Լյուքսեմբուրգի Պատգամավորների պալատի կոչը Կառավարությանը. «Դատապարտել ռազմական բոլոր քայլերը, որոնք հակասում են 1994թ. զինադադարի դրույթներին» Ներգրավված է ոչ միայն սփյուռքը, այլև Հայաստանի օտարերկրացի բարեկամները. Լյուքսեմբուրգի հայ համայնքը բողոքի ցույցեր է անցկացրել Տաթեւ Մանուկյան-Էնգել. «Ամուսինս ամբողջ Լյուքսեմբուրգին հրավիրում է տոլմա ուտելու» Բացի այդ, Լուքսեմբուրգի խորհրդարանը կոչ է անում պատժամիջոցներ կիրառել Ադրբեջանում այն անձանց հանդեպ, ովքեր հայերի նկատմամբ բռնություններ և ատելություն են հրահրում, ինչպես նաև՝ ապահովել հայկական հոգևոր և մշակութային ժառանգության պահպանումը։
