16.01.2025 | 23:17
Առաջիկայում տեղի կունենա Վրաստանի, Ադրբեջանի և Թուրքիայի ԱԳ նախարարների հանդիպում
ԵՐԵՎԱՆԻ ԺԱՄԱՆԱԿՈՎ․ Մեծ ցինիզմ եմ տեսնում այն բանում, որ Փաշինյանն այսօր խոսում է ապագայից․ Ժիրայր Դադասյան․ ՏԵՍԱՆՅՈՒԹ
Քաղաքականություն
23.12.2020 | 20:02
«Այսպիսի խայտառակ ձախողումից և ժողովրդի բարոյալքումից հետո Փաշինյանը դեռ մտածում է կառավարե՞լ։ Մարդը երկուսուկես տարի շարունակ կործանեց երկիրը։ Մեծ ցինիզմ եմ տեսնում այն բանում, որ Փաշինյանն այսօր խոսում է ապագայից»,- Factor.am-ի հետ զրույցում նման տեսակետ է հայտնում Երևանի Մնջախաղի պետական թատրոնի գեղարվեստական ղեկավար Ժիրայր Դադասյանը։
Նա համոզված է, որ Փաշինյանն իր կամքով հրաժարական չի տա․ «Մենք գիտենք Փաշինյանի բանաձևը, որն ավելի վաղ է տվել՝ «Կա՛մ ես կլինեմ վարչապետ, կա՛մ Հայաստանը չի ունենա վարչապետ»։ Ես հասկացա, որ այս մարդը կմնա, ինչ էլ որ անի, ինչ էլ որ լինի։ Փաշինյանը պատրաստ է Հայաստանը կործանել, բայց մնալ»։
Անդրադառնալով Նիկոլ Փաշինյանի այն պնդմանը, թե ինքն իրավիճակի թիվ մեկ պատասխանատուն է, բայց ոչ թիվ մեկ մեղավորը, Դադասյանը նկատում է․ «Պատասխանատուն չի կարող մեղք չունենալ։ Ինքն է այս երկրի ղեկավարը, անվտանգության երաշխավորը, բա ո՞վ է մեղավոր։ Դա մանիպուլյատիվ արտահայտություն է, որը ենթադրում է, թե ինչ-որ մեկը ինչ-որ բան է արել, և ինքը ստիպված է պատասխան տալ։ Եթե նման բան էլ եղած լինի, կրկին մեղավորն ինքն է, որ տեղյակ չի եղել և երկուսուկես տարի նման քայլեր է արել»։
Ինչ վերաբերում է «Հայրենիքի փրկության շարժմանը», մեր զրուցակիցը տեսակետ է հայտնում, որ այն չի պայմանավորվում միայն քաղաքական այն գործիչներով, որոնք նախաձեռնել են շարժումը։
«Որ պիտի հայրենիքը փրկվի, երկու կարծիք լինել չի կարող։ Ունենք այն, ինչ ունենք։ Ես քաղաքական դաշտը երկու մասի չեմ բաժանում, ես տասնյակ ուժեր եմ տեսնում։ Բոլորին անվանել «նախկին» և «թալանչի», ասել, որ իրենք վատն են, իսկ Փաշինյանի կողմնակիցները՝ լավը, ճիշտ չեմ համարում։ Տեսանք՝ այդ լավը մեզ ուր բերեց, ինչ հանգրվանի հասցրեց»,- նշում է Դադասյանը։
Հարցազրույցն ամբողջությամբ՝ տեսանյութում։
Աննա Բաբաջանյան
