17.09.2026 | 23:38
Սամվել Կարապետյանի տնային կալանքը երկարաձգվել է
Թրամփը Եգիպտոսին մեղադրել է ամերիկյան օգնությունը ռուսական ռազմատեխնիկա գնելու համար օգտագործելու մեջ
Քաղաքականություն
23.12.2020 | 14:33
ԱՄՆ նախագահ Դոնալդ Թրամփը Եգիպտոսի Պաշտպանության նախարարությանը մեղադրել է ամերիկյան օգնությունը ռուսական ռազմական տեխնիկա գնելու համար օգտագործելու մեջ, գրում է Al-Masdar News-ը։
Մեկնաբանելով Covid-19-ի դեմ պայքարի համար օգնության փաթեթի մասին բանաձևն ԱՄՆ Կոնգրեսի կողմից հաստատելը՝ Թրամփը հայտարարել է, որ Կոնգրեսի անդամները նույնիսկ չեն կարդացել օրինագծի բովանդակությունը, որում, ըստ նրա, ներառված է «85․5 միլիոն դոլարի օգնություն Կամբոջային, 134 միլիոն դոլար՝ Մյանմարին և 1․3 միլիարդ դոլար՝ Եգիպտոսին, իսկ Եգիպտոսի բանակն այն կօգտագործի բացառապես ռուսական ռազմական տեխնիկա գնելու համար, 25 միլիոն դոլար Պակիստանին՝ ժողովրդավարության ծրագրերի համար և այլ անհարկի հատկացումներ՝ կորոնավիրուսից ազատվելու համար»:
Թրամփը սպառնացել է չստորագրել ամերիկացիներին կորոնավիրուսի հետևանքների դեմ պայքարելու համար օգնություն ցուցաբերելու մասին 892 միլիարդ դոլար արժողությամբ օրինագիծը և կոչ է արել լրամշակել այն:
Հավելենք, որ Եգիպտոսը վերջերս ձեռք է բերել ռուսական արտադրության Սու-35 ինքնաթիռներ, որոնք, ինչպես ակնկալվում է, կմատակարարվեն 2021 թվականին: Վերջին մի քանի տարիների ընթացքում Եգիպտոսի զինուժը կտրուկ մեծացրել է ռազմական գնումները Ռուսաստանից՝ դառնալով Աֆրիկայում ռուսական զենքի ամենախոշոր գնորդներից մեկը:
Տաթև Ֆռանգյան
