19.01.2026 | 12:43
«Եղիշեն պատմել է՝ դեպքից առաջ պատգամավորներից մեկը խառնվել է կացարանում տիրող իրավիճակի պարզմանը»․ ՏԵՍԱՆՅՈՒԹ
Իսրայելի խորհրդարանը լուծարվել է․ 2 տարում սպասվում են 4-րդ համընդհանուր ընտրությունները
Քաղաքականություն
23.12.2020 | 11:55
Երկու տարվա ընթացքում Իսրայելին սպասում է չորրորդ համընդհանուր ընտրությունները, քանի որ երկրի կոալիցիոն կառավարությունը չի կարողացել համաձայնության գալ 2021 թվականի պետական բյուջեի շուրջ: Երեքշաբթի օրը լրացել է բյուջեի հաստատման վերջնաժամկետը, և համաձայն օրենքի՝ երկրի խորհրդարանը լուծարվել է։ Այս մասին հայտնում է BBC-ի ռուսական ծառայությունը։
Դրան նախորդել է Կնեսետում կայացած հանդիպումը, որի ընթացքում խորհրդարանականները փորձել են համաձայնության գալ բյուջեի քննարկման ժամկետը երկարացնելու մասին օրինագծի շուրջ, բայց, հակառակ սպասումների, այն մերժվել է ձայների մեծամասնությամբ:
Իսրայելի խորհրդարանի հերթական ընտրությունները տեղի կունենան հաջորդ տարվա մարտի 23-ին:
Հավելենք, որ Իսրայելն արդեն ծախսել է միլիարդավոր շեկել՝ երեք նախորդ ընտրությունները՝ 2019 թվականի ապրիլին և սեպտեմբերին ու 2020 թվականի մարտին կազմակերպելու համար: Բինյամին Նեթանյահուի ղեկավարությամբ իշխող «Լիկուդ» կուսակցությանը միայն երրորդ փորձից էր հաջողվել կոալիցիա ստեղծել իր հիմնական մրցակցի՝ «Կախոլ-Լավան» կուսակցության հետ, որը ղեկավարում է Իսրայելի նախկին շտաբի պետ Բենի Գանցը, որը ընտրություններից հետո ստացավ պաշտպանության նախարարի պորտֆելը: Այնուամենայնիվ, իսրայելցի շատ վերլուծաբաններ ի սկզբանե ասում էին, որ բյուջեի հարցը կարող է ոչնչացնել այս առանց այդ էլ փխրուն դաշինքը:
Տաթև Ֆռանգյան
