19.01.2026 | 20:30
Քնում են մեքենայում, սպասում օրերով․ հայկական բազմաթիվ բեռնատարներ մնում են Վրաստանի և ՌԴ տարածքում. ՏԵՍԱՆՅՈՒԹ
Լեռնային Ղարաբաղում ականազերծվել է 260 հեկտար տարածք․ ՌԴ ՊՆ
23.12.2020 | 11:31
Լեռնային Ղարաբաղում Ռուսաստանի խաղաղապահ ուժերի ինժեներական ստորաբաժանումները ականազերծել են 260 հեկտար տարածք։ Այս մասին տեղեկացնում է ՌԴ ՊՆ-ն։
«Լեռնային Ղարաբաղում ռուս խաղաղապահ զորախմբի ինժեներական ստորաբաժանումներն օպերացիայի ընթացքում ականազերծել են 260 հեկտար տեղանք, շուրջ 100 կմ ճանապարհ և 434 շենք-շինություն։ Հայտնաբերվել ու ոչնչացվել է ավելի քան 8600 պայթյունավտանգ առարկա»,- ասվում է հաղորդագրության մեջ։
Այժմ խաղաղապահներն ավարտում են Ստեփանակերտի հյուսիսային ծայրամասի ականազերծումը։
«Հայտնաբերված պայթյունավտանգ առարկաներն ու չպայթած զինամթերքը տեղափոխում ու ոչնչացնում են հատուկ կահավորված հրաձգարանում։ Զինամթերքը, որը հնարավոր չէ տարհանել, ոչնչացնում են տեղում՝ ապահովելով անվտանգության բոլոր անհրաժեշտ միջոցները»,- նշվում է հաղորդագրության մեջ։
Տաթև Ֆռանգյան
