09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Հրապարակվել է ԱՄՆ սև ցուցակում հայտնված ռուսական ու չինական ընկերությունների ցուցակը
Քաղաքականություն
22.12.2020 | 13:56
ԱՄՆ Առևտրի դեպարտամենտը հրապարակել է այն ռուսական ու չինական ընկերությունների ցուցակը, որոնք կապված են այդ երկրների պաշտպանական ոլորտի հետ և ընկնում են ամերիկյան սահմանափակումների տակ, գրում է DW-ի ռուսական ծառայությունը:
Ցուցակում հայտնվել են 58 չինական ու 45 ռուսական ընկերություններ, այդ թվում՝ «Ռոստեխ» կորպորացիան, դրա կազմում ներառված Միացյալ ավիաշինական կորպորացիան (ОАК), «ՄիԳ» և «Տուպոլև» ընկերությունները, «Օբորոնպրոմը», ինչպես նաև ՌԴ Պաշտպանության նախարարությունը և Արտաքին հետախուզության ծառայությունը: Բացի այդ, սահմանափակումների տակ են հայտնվել «Ռուսաստանի ուղղաթիռները», Կազանի ուղղաթիռների գործարանը և այլ ընկերություններ։ Ցանկում ընդգրկված ընկերությունները չեն կարողանա որոշակի ապրանքներ և տեխնոլոգիաներ գնել Միացյալ Նահանգներից:
Այսպիսով, Վաշինգտոնը միջոցներ է ձեռնարկում, որպեսզի «ամերիկյան տեխնոլոգիաները չնպաստեն այս երկու երկրների ապակայունացնող ռազմական ծրագրերին»:
Նշվում է, որ այս ցանկը կարող է քննարկվել ամերիկացի արտահանողների հետ, որոնք ցանկանում են ապրանքներ կամ ծառայություններ մատուցել ռուսական ընկերություններին: Հավելենք, որ ցուցակում ընդգրկված ընկերություններից առնվազն մի քանիսն արդեն կան ԱՄՆ պատժամիջոցների ցուցակներում:
Տաթև Ֆռանգյան
