19.03.2026 | 10:37
Ադրբեջանի տարածքով ևս 7 վագոն ցորեն կուղարկվի Հայաստան
Պահեստազորի սպաների ու հրետանավորների մասնակցությամբ հավաքներ են անցկացվում. Արցախի ՊԲ
16.01.2018 | 19:52
2018 թվականի բանակային ուսումնական տարվա մեկնարկին ընդառաջ բանակի հրետանային բրիգադներից մեկում հունվարի 15-ից անց են կացվում մասնագիտական հավաքներ՝ հրետանային զորամասերի ու ստորաբաժանումների հրամանատարների տեղակալների մասնակցությամբ:
Հավաքների ընթացքում ղեկավար կազմը, հաշվի առնելով զորատեսակի առջև դրված խնդիրները, ինչպես նաև կիրառվող զինատեսակների առանձնահատկությունները, մասնակիցներին ուսուցանում է մարտի համակողմանի ապահովման, մասնագիտական ու հետախուզական պատրաստությանն առնչվող տարաբնույթ թեմաներ:
Արցախի ՊԲ-ի մեկ այլ հաղորդագրության համաձայն՝ ուսումնավարժական հավաքներ են անցկացվում նաև պահեստազորի սպայական կազմի ներկայացուցիչների մասնակցությամբ:
Հավաքների ընթացքում մասնակիցներին ուսուցանում են գործառութային պարտականությունների կատարում, բարձրացնում վերջիններիս տեսական գիտելիքներն ու գործնական ունակությունները, կատարելագործում մեթոդական պատրաստության մակարդակը:
