09.02.2026 | 10:02
Արտարժույթների փոխարժեքները՝ փետրվարի 9-ի դրությամբ
Չի թույլատրվել ոչ մի լուրջ միջադեպ․ Շոյգուն՝ ԼՂ-ում խաղաղապահ առաքելության գործունեության մասին
Քաղաքականություն
21.12.2020 | 15:53
Լեռնային Ղարաբաղում ռուս խաղաղապահների ներկայության ընթացքում չի թույլատրվել ոչ մի լուրջ միջադեպ։ Այս մասին այսօր ՌԴ Պաշտպանության նախարարության ընդլայնված կազմով կոլեգիայի նիստի ժամանակ հայտարարել է ռազմական գերատեսչության ղեկավար Սերգեյ Շոյգուն, փոխանցում է ՏԱՍՍ-ը։
«Այսօրվա դրությամբ՝ չի թույլատրվել ոչ մի լուրջ միջադեպ։ Բաց է և ապահովվում է Լաչինի միջանցքով քաղաքացիական ավտոտրանսպորտային միջոցների անվտանգ տեղաշարժը»,- ասել է նա։
Շոյգուի խոսքով՝ ռուս խաղաղապահների ղեկավարությամբ կազմակերպվել է հայերի ու ադրբեջանցիների միջև «բոլորը բոլորի դիմաց» սկզբունքով ռազմագերիների փոխանակում։
«Խաղաղ բնակչությունը լիարժեք անվտանգության պայմաններում վերադառնում է բնակության վայրեր, վերականգնում է տները։ Նրանց օգնում են Խաղաղապահ առաքելության կառավարման կենտրոնի զինծառայողները: Նոյեմբերի 14-ից ռուս խաղաղապահներն ապահովել են ավելի քան 42 հազար փախստականի վերադարձ»,- հայտնել է ՌԴ ՊՆ ղեկավարը։
Տաթև Ֆռանգյան
